کابل ، افغانستان د ۲۰۱۲ زېږدیز کال د فبروري په  ۲۱مه د آیساف نړیوالو ځواکونو عمومي قوماندان جنرال جان آلن، نن یو نوې لارښونه وکړه چې ټول نړیوال ايتلافی ځواکونه چې په افغانستان کې میشت دي د مذهبي توکو سره د ښه چلند په موخه دې د مارچ د میاشتې دمخه روزنیز پروګرامونه ترسره کړي.

په کندهار کي د قرآن سوځوني او يو شمېر نورو ديني او مذهبي کتابونو د بې حرمتۍ په ارتباط يوه پراخه غونډه جوړه سوه چي پکښي کندهار والي، د ولايت مقام مرستيال، د ملي امنيت رئيس، د سولي ولايتي شورا رئيس، د حج و اوقافو رئيس، د علماؤ شورا رئيس، د خرقې مطهرې او امام بارګاه خطيبانو، د کندهار ښار د لسګونه مسجدونو او جامع ګانو مشرانو او د رسنيو لسګونو استازو برخه اخستې وه.

غونډه د قرآن عظيم الشان په څو مبارکو اياتونو سره راپيل سول او وروسته کندهار والي پوهنوال ډاکټر تويالي ويسا برخوال ته پرانستونکې وينا واورول.

د کندهار ولايت د ډنډ په ولسوالي کي د زراعت د ودي او پرمختګ په منظور غونډه جوړه سوه چي پکښي د ډنډ او دامان والسواليو ولسوالان حمدالله نازک او حاجي سراج احمد، قومي مشرانو، د يادو ولسواليو د اولسي شورا غړو او يوشميربزګرانو ګډون کړي و.

حمدالله نازک غونډي ته په خپلو خبرو کي وويل چي د زراعت د ودي او پياوړتيا لپاره په تيرکال کي د سلګونو نيالګيو، اود سلګونو ټنوکمياوي سرو او تخمونو مرسته کړي او ډير ښه حاصل يي درلود او بزګران تري خوښ وو.

په ډېر غم او خفګان سره مي خبر تر لاسه کى چي د کندهار او سيمي وتلى شخصيت، پېژندل سوې څېرې،  او قومي مشر سيد عبدالظاهر اغا د ور پيښي ناروغۍ له کبله تېره شپه په حق ورسېد ( انا لله و انا اليه راجعون).

 مرحوم له ډېر وخته د زړه له ناروغۍ کړې دى  او له يو زياتي مودې درملني وروسته يې تېره شپه د مرګ ملکي ته لبيک ووايه او له دې نړۍ وکوچېد.

کندهار ولايت مقام د بګرام په پوځي هوايي اډه کي د بهرنيو سرتيرو لخوا د اسلامي د سپېڅلي کتاب قرآن کريم او ځيني نورو ديني کتابونو بې حرمتي په کلکو ټکو کي غندي او جدي غوښتنه کوي چي په دې اړه پلټنه وکړي.

د بګرام په هوايي اډه کي د ناټو ځواکونو د قرآن کريم څو نسخې او ځيني نور اسلامي او ديني کتابونه غورځولي او بې حرمته کړي دي.

کندهار ولايت مقام ددې ولايت دخلکو، پوځي او ملکي منسوبينو او ټولو فرګنو په استازيتوب د نړيوالو ځواکونو له لوري دغه ډول شرموونکي اعمال په سختو ټکو کي غندي او عاملينو ته يې د سزا غوښتنه کوي.

د افغان ملي پوليسو او ايساف سرتيرو ترمنځ تېره ورځ د کندهار په سپين بولدک ولسوالي کي لومړى لفظي شخړه او وورسته وسلواله نښته رامنځ ته سوې چي په پايله کي يې د ايساف څلورو تنو ته مرګ ژوبله اوښتې ده.

نښته تېره ورځ ماځيګر مهال د سپين بولدک ولسوالۍ اړوند د رباط په سيمه کي هغه مهال رامنځ ته سوه کله چي ملي پوليسو او ايساف سرتيرو په ګډه د سيمي په يوه ښوونځي کي له زدکوونکو سره د قرطاسيې مرسته کوله.

دملاذین الله په مشري دسولې دپروسي سره یوځـاي سوي وسلواله ډله چي دملاقاسم په ډلي پوري مربوط دي مخکی په پنجوایی ولسوالي او ددي ولسوالي اړوند کلیو کي دافغان دولت په وړاندي وسلوال فعالیتونه کول چی دسولې دولایتي کمیټي له لوري دملي امنیت په همکاري دسولې دپروسي سره یو ځای سول .

هغه مراسم چي په همدي اړه نن دملي امنیت په ریاست کی جوړ سوي وه دکندهار مرستیال والي دسولې دولایتي کمیټي ریس ، دسولې دولایتي دارلانشاء مسول ، دملي امنیت او حج او اوقافو ریسانو ، او په لسګونه ځايي خبریالانو برخه اخستي وه .

کندهار والي پوهنوال ډاکټر توريالي ويسا نن ماپښين د کندهار ولايت درسنيو سره د اړيکو او معلوماتو په مرکز کي جوړي سوي غونډي ته په مشرانو جرګه کي د کندها رولايت د سناتور بسم الله افغانمل د وروستيو څرګندونو او په لمر تلوېزون کي کندهار ولايت ته د محمد اصف سرحدي د راتګ په اړه د جوړ سوي ګردي مېز په اړه مطبوعاتي غونډي ته خبري وکړې چي ټکي په ټکي جزيات يې تاسو ته لېږو.

  والي: (( په مشرانو جرګه کي د کندهار د خلکو استازي هم له رسنيو سره د حقيقه ليري خبري کړي او ددې پر ځاى چي د کندهار ستونزي وڅېړي هميشه يې د خپلو شخصي ستونزو د حلولو لپاره کار کړى دى.

د هيواد په پلازمينه کابل کي د لمر په نوم د خصوصي تلوېزون د تيري شپې د ګردي ميز بحث دهر ډول قانوني او رسنيزو اصولو خلاف دى او د کندهار ولايتي اداره يې په کلکه غندي.

د لمر تلوېزون تېره شپه بحث جوړ کړى و چي په اوږدو کي يې کندهار ولايت ته د آصف سرحدي په نوم د راغلي کس په اړه بحث وسو، ولي له بده مرغه د ټولو رسنيزو اصولو خلاف په دغه ګردي مېز کي د کندهار د ولايتي ادارې په استازيتوب هيڅ کس نه و رابلل سوى.

د کندهار ولايت دملي امنيت رياست منسوبينو د تيري اوونۍ په اوږدو کي د عملياتو پرمهال هغه تن چي د پاکستان هيواد د وسلوالو پوځونو او دولتي چارواکو څخه يې لسګونه ميله وسلې رانيولي او افغانستان ته يې د جګړې لپاره راوړي وې نيولى دى.

دغه کس تېره ورځ د ملي امنيت په رياست کي خبريالانو ته د وسلو سره يو ځاى وښودل سو او نوموړي له رسنيو سره د خبرو پرمهال پر خپل جرم اعتراف هم وکړى.